შენი AI ასისტენტი — შენი თავისუფლება

პლატფორმა შექმნეს ადამიანებმა, რომლებსაც საჯარო და კერძო სექტორში მუშაობის მრავალწლიანი გამოცდილება აქვთ. ჩვენ კარგად ვიცით, როგორია ყოველდღიური სამუშაო „შიგნიდან": ყოველი დოკუმენტი, შემოწმება, წერილი, რეესტრი — და რამდენი დრო მიაქვს იმას, რაც არსებითად ერთი და იმავე მოქმედების გამეორებაა.

ტექნოლოგიების, განსაკუთრებით ხელოვნური ინტელექტის განვითარებამ ადამიანებს პირველად მისცა შესაძლებლობა, მრავალწლიანი გამოცდილება პირდაპირ ტექნიკურ და ტექნოლოგიურ შესაძლებლობად აქციონ. სწორედ ეს გავაკეთეთ — ჩვენი გამოცდილება და თანამედროვე ტექნოლოგიები ერთ პლატფორმაში შევაერთეთ.

მიზანი მარტივია: მაქსიმალურად შევუმსუბუქოთ ადამიანებს სამუშაო დატვირთვა და დავუბრუნოთ დრო და თავისუფლება ცხოვრებისთვის. ყოველდღიური საქმიანობის დიდი ნაწილი განმეორებადი, მექანიკური პროცესებია, რომელთა ხელით შესრულება დღეს უბრალოდ აღარ არის გონივრული.

ადამიანი წყვეტს — სისტემა ასრულებს

პლატფორმის თითოეული ასისტენტი დამხმარე მექანიზმია: ამზადებს ინფორმაციასა და დოკუმენტებს, ატარებს შემოწმებებს და მოქმედებას ასრულებს მხოლოდ მომხმარებლის გადაწყვეტილებით — დადასტურების შემდეგ. სწორედ ეს პრინციპი გამორიცხავს პროგრამულ შეცდომებს: არცერთი ნაბიჯი არ იდგმება ისე, რომ თქვენ არ გენახოთ და არ დაგედასტურებინოთ.

რას ვაავტომატიზებთ — და რას არა

დღეს პლატფორმა მექანიკური პროცესების ავტომატიზაციაა. სისტემა არ ქმნის შინაარსს თქვენ მაგივრად — გადაწყვეტილება, რა უნდა შეისყიდოს, ვისთან და რა პირობებით, თქვენია. სისტემა აჩქარებს იმ დადგენილ ფორმებს, რომლითაც ეს შინაარსი უნდა განხორციელდეს: კოდის მინიჭება, სიების შემოწმება, წერილის, ხელშეკრულების, აქტის მომზადება, რეესტრში ჩაწერა, ნაშთის გადათვლა.

შემდეგი ეტაპი, რომელიც გუნდს გეგმაში აქვს, გონივრული პროცესების ავტომატიზაციაა — როცა სისტემა უკვე შინაარსობრივ წინადადებას გთავაზობთ: რომელი შესყიდვის საშუალება ჯობია, სად არის რისკი, რა უნდა შემოწმდეს დამატებით, რომელი მიმწოდებელი უფრო საიმედოა თქვენივე მონაცემების საფუძველზე. განსხვავება პრინციპულია: მექანიკური ავტომატიზაცია ასრულებს იმას, რაც უკვე გადაწყვეტილია; გონივრული — გეხმარებათ გადაწყვეტილების მიღებაში. ორივე შემთხვევაში ბოლო სიტყვა ადამიანისაა.

სად მივდივართ

დავიწყეთ სახელმწიფო შესყიდვებით — სადაც ყველაზე მეტი განმეორებადი პროცესია და ყველაზე მკაცრი წესები. HR, ბუღალტერია, იურიდიული და ფინანსური მიმართულებები უკვე პლატფორმის ნაწილია. გეგმა კი ერთია: ყველა სფერო, სადაც ადამიანი დროს მექანიკურ სამუშაოზე ხარჯავს.